影片
更多
2024-12-11
376 瀏覽
朋友約係D2食港式扒餐，都好一段時間無食，一於懷舊下......我地去到6點半左右，嚇左一跳，唸住工商區唔會有太多人啦，點知6點幾已經滿座，要攞飛等位🥲等左幾張總算入座，我地叫左比目魚松露汁（+$25轉餐）+ 什扒餐黑椒汁, 兩份都係set,所以都有跟餐湯,餐包同餐飲...🍽️羅宋湯酸味幾重🍽️餐包外表平平，但軟熟好味窩！如果有，真係可以食多個！🍽️ 比目魚配黑松露汁$132 -轉套餐$25以為魚係碟上，點知都同樣係鐵板上😃 魚肉好厚身下，薯條同翠肉瓜墊底，肉眼可見魚既兩邊都煎得好脆但裡面既魚肉都仲保持到濕潤同唔嚡口。黑松露汁係亮點，好濃既黑松露香氣，食牛扒既friend都倒左d黑松露汁試下。唔夠汁，職員好好甘再倒左一份比我地🍽️什扒餐配黑椒汁$134分量十足，牛扒，豬扒，腸仔，火腿，雞翼，薯條，配菜……滿到要分d係碟先切到。最好味係豬扒，好厚身但唔硬或黐牙有好多唔同既promotion, lunch set係抵食
我地去到6點半左右，嚇左一跳，唸住工商區唔會有太多人啦，點知6點幾已經滿座，要攞飛等位🥲
等左幾張總算入座，我地叫左比目魚松露汁（+$25轉餐）+ 什扒餐黑椒汁, 兩份都係set,所以都有跟餐湯,餐包同餐飲...
🍽️羅宋湯
酸味幾重
🍽️餐包
外表平平，但軟熟好味窩！如果有，真係可以食多個！
🍽️ 比目魚配黑松露汁$132 -轉套餐$25
以為魚係碟上，點知都同樣係鐵板上😃 魚肉好厚身下，薯條同翠肉瓜墊底，肉眼可見魚既兩邊都煎得好脆但裡面既魚肉都仲保持到濕潤同唔嚡口。黑松露汁係亮點，好濃既黑松露香氣，食牛扒既friend都倒左d黑松露汁試下。唔夠汁，職員好好甘再倒左一份比我地
🍽️什扒餐配黑椒汁$134
分量十足，牛扒，豬扒，腸仔，火腿，雞翼，薯條，配菜……滿到要分d係碟先切到。最好味係豬扒，好厚身但唔硬或黐牙
有好多唔同既promotion, lunch set係抵食
張貼
