沙嗲王 (+WOO嘉湖二期)

營業中

休息中

收工過咗銀座同娘親食晚飯有時早餐午餐都會過嚟食沙爹王😂今晚叫咗新出嘅椒麻豆腐鍋 同埋娘親推介想食呢個沙茶牛肉炒通菜個椒麻豆腐鍋好夠味，同埋佢嗰種椒麻味平時好少食到，佢係慢慢滲出黎既麻，但麻得黎係食過返尋味，送飯一流👍不過美中不足係我覺得 點都要有少少肉個鍋都7，80，無肉感覺講唔過🤣無咁抵食既心態，如果男人既話可能唔夠飽，個鍋得少少肉碎(太細粒肉碎仔）同豆腐，如果唔係對豆腐情有獨鍾嘅我其實都真係未必會叫🤣娘親極力推介呢個沙茶醬牛肉炒通菜，真係冇推介錯，因為本人真係麻麻地通菜。但係佢呢個通菜係好幼身軟爽，唔同平時食開嗰啲索索聲鞋颯颯。