牛皇莫

營業中

休息中

牛皇莫主打係晚市打邊爐，而午市時間同一般粉麵茶餐廳冇太大分別。平日中午時間會有好多學生過黎食lunch，最少塞滿9成坐位甚至乎會滿座，不過人流去得好快，等一等就會好快有位。食物方面，以茶餐廳質素來講屬於中上，有牛嘅食物絕對高質，而我order左呢個「鮮茄豬潤牛肉湯飯」，牛肉係新鮮牛肉，口感非常滑，豬膶唔會鞋身，仲幾爽口下，唯一缺點係碗飯太少，唔夠撈飯，因為個湯好鮮甜同埋好開胃，令人食完一啖又一啖，搞到好快就食晒成個餐。熱奶茶有少少茶葉既苦，整體10分滿分會俾8分。