紫蝶花 (已結業)

將軍澳中心裝修後食過兩次。由東南亞食品變到做埋中菜。第一次一個人兩餸冬蔭功麵煮錯餸，為咗唔好浪費冇同侍應講照食。第二次同家人再去食，食物好快送到，但係味道真係好一般。今日新年，未到七點已經成個將軍澳中心嘅餐廳都排長龍，貪呢間算最少人等，本來打算食第三次。因為初時得兩個女侍應，兩個人一齊處理收錢，所以攞飛都要排隊等一陣。有一張拍埋嘅4人枱，其中一邊冇人坐，但一直都冇叫飛，以為佢想留黎做中枱。等到食緊嗰兩位埋單，奇怪在位阿姐係叫2人枱入去本身都冇人嘅單邊枱，而同時間冇人等2人枱。即係剛埋單嗰邊枱變咗冇人坐。等位期間，成日都見2個侍應處理收錢，等攞飛嘅要排隊。又見到遲黎嘅阿姐畀飛先，喺度排隊嘅就畀人打咗尖。到叫4人枱，前面叫左號碼但冇人應，好快就叫到我嘅號碼，我去到嘅時候，過左飛嘅衝返黎。一向餐廳過飛係等下張補飛，但阿姐竟然係叫我等，佢要補返張畀衝返黎嗰個。雖然周圍都要等，但係已經唔想再等，咁嘅服務都唔會食得開心。呢間餐廳如果冇人排隊，食物係上得幾快嘅。佢要排隊嘅時間唔多，如果要排隊就真係唔好試喇，啲職員根本處理唔到又唔到。