一品燒 (已結業)

位於旺角既「一品燒」，專打串燒美食，價錢都幾合理。蒜蓉燒扇貝: 非常惹味，蒜蓉味適中，扇貝好新鮮彈牙，值得一試！涼泮青瓜: 味道一般，鹹鹹地辣辣地，好特別。燒雞腿肉串 : 雞腿肉串用上醬汁去燒，食落去啖啖肉，食落好咬口，好滿足。燒娃娃菜: 烤過既娃娃菜質感有D奇怪， 但係味道卻清甜爽口,，加埋個燒烤汁都幾好味。燒一口甜薯: 甜薯細細粒，好可愛，有名你叫，真係好甜好好味。燒粟米: 味道鮮甜多汁，可適價錢偏貴。餃子雞翼: 雞翼完全去骨，裡面有D餃子既餡料，有少少蜜糖味，好香甜，令人吃得津津有味，值得一讚。玉子燒: 呢個玉子燒味道好特別，有別於平時食到既，質感比較乾，亦都有點甜，賣相有D似燒菠蘿。蒜蓉燒青口: 蒜蓉分量適中，青口夠新鮮，如果青口大隻D就更加好啦。蒜蓉燒生蠔: 生蠔可以揀蒜蓉燒又或者係芝士焗，唔食芝士既我地梗係揀用蒜蓉燒啦。蠔肥美多汁，燒得唔錯，幾好。花之丸: 芝之丸爽口彈牙，唔太鹹，值得一讚。