影片
更多
2022-08-05
1010 瀏覽
呢間同朋友嚟過兩次，地方大，卡位都闊落。印象中仲覺得佢好抵食，成映用優惠，呢期優惠係 「 吉列豬樓 （用上日本宮崎快樂豬 $20 」，真係抵到爛！ 而16:00-22:00 嘅晚餐都好抵食！價錢$68 - $88 （餐廳不收+1）包：羅宋湯或忌廉湯主食有七款選擇 （三款醬汁選擇）可配白飯/意粉/薯角杯咖啡或者熱飲（凍飲加$3）轉得飲都係加$5《 羅宋湯 》x2, 《 忌廉湯 》兩款餐湯都好香濃，湯料又多。羅宋湯完全唔會偏酸，味道微微辣幾惹味；忌廉湯香濃creamy，雞肉多。點咗三個晚餐：《 羊架 $88 》自選配蒜蓉汁 、意粉有兩大支厚厚嘅羊架，肉好嫩腍有肉汁，味道帶好微嘅羊羶味，係我鍾意嘅味道。意粉份量多，撈埋蒜蓉汁岩岩好唔會太乾。《 比目魚 $70 》自選配蒜蓉汁 、薯角大條煎得香口，魚肉好滑溜，加上蒜蓉汁好提味。薯角多，都好香脆，配埋茄汁就岩晒。《 牛脷 $70 》自選黑椒汁 、意粉4大塊牛脷好軟腍有肉味，加埋黑椒汁好惹味，意粉都好夠食，好飽肚。每杯特飲只需加$5，好抵！我地呢個晚餐本身唔配甜品 （啫喱）然後職員好友善地送我哋三杯 《 花奶雜果啫喱 》。呢間平民之選，性價比好高
呢間同朋友嚟過兩次，地方大，卡位都闊落。
印象中仲覺得佢好抵食，成映用優惠，呢期優惠係 「 吉列豬樓 （用上日本宮崎快樂豬 $20 」，真係抵到爛！
而16:00-22:00 嘅晚餐都好抵食！價錢$68 - $88 （餐廳不收+1）
包：
羅宋湯或忌廉湯
主食有七款選擇 （三款醬汁選擇）
可配白飯/意粉/薯角
杯咖啡或者熱飲（凍飲加$3）
轉得飲都係加$5
《 羅宋湯 》x2, 《 忌廉湯 》
兩款餐湯都好香濃，湯料又多。
羅宋湯完全唔會偏酸，味道微微辣幾惹味；
忌廉湯香濃creamy，雞肉多。
點咗三個晚餐：
《 羊架 $88 》自選配蒜蓉汁 、意粉
有兩大支厚厚嘅羊架，肉好嫩腍有肉汁，味道帶好微嘅羊羶味，係我鍾意嘅味道。
意粉份量多，撈埋蒜蓉汁岩岩好唔會太乾。
《 比目魚 $70 》自選配蒜蓉汁 、薯角
大條煎得香口，魚肉好滑溜，加上蒜蓉汁好提味。
薯角多，都好香脆，配埋茄汁就岩晒。
《 牛脷 $70 》自選黑椒汁 、意粉
4大塊牛脷好軟腍有肉味，加埋黑椒汁好惹味，意粉都好夠食，好飽肚。
每杯特飲只需加$5，好抵！
我地呢個晚餐本身唔配甜品 （啫喱）
然後職員好友善地送我哋三杯 《 花奶雜果啫喱 》。
呢間平民之選，性價比好高。
佢啲下午茶好抵20幾蚊都有交易，午餐都係$30 幾蚊，仲要唔收+1服務費！
張貼
