大尚宮

營業中

休息中

今日去荔枝角有事做，正是中份時份，去左香港工業中心地庫係food court,勁多人，心諗一定好食又抵食吧，就試下大尚宮先。呢間全部即叫即整，點了個豬頸肉石頭鍋飯，同紫菜包飯，配埋泡菜同野飲的。先講個紫菜包飯，一盒整齊乾淨又美觀，味道清新，材料豐富，有火腿，醃蘿蔔，肉鬆，醃菜，芝麻等等，香口好食，有份量都很夠，食落都飽啊。至於豬頸肉石頭鍋飯，同樣美味，大大碗，即叫即整，店員仲會提你小心碗邊很熱，很多料，有大量紫菜，煎蛋，豬頸肉，翠玉瓜，冬菇等等，口感豐富，我就加埋泡菜落去，辣辣地更加惹味。整體都好滿意，價錢又吾貴，地方又方便，難怪都多人食。