船皇 (厚福街) (已結業)

尖沙咀厚福街就出咗名多嘢食揀，呢幾日我同我男朋友經過嘅時候竟然見到呢一間泰國嘢有和牛嘅船麵食，所以就俾佢吸引左！呢個係門口，因為疫情關係，入店嘅時候會有店員幫你量體溫，非常貼心。呢個係佢嘅餐牌，由於佢主要都係食船麵，所以就唔會有太多其他嘅泰國菜可以選擇，但係串燒同埋小食都有好多種類可以揀。餐牌上最吸引嘅當然就係呢一個升級優惠啦，加$5就可以成碗都係和牛，我哋就緊係加啦！我哋一人叫咗一杯青檸梳打，估唔到係用碗嚟飲，而且酸度亦都適中，唔會話有好多糖漿搞到好甜。和牛船麵好快就上咗枱！佢另外會問你辣唔辣，然後上一碗醬汁俾你。個醬汁真係非常非常之開胃，酸酸甜甜咁，另外平時食泰國麵嘅牛肉多數都好鞋，但加咗$5嘅和牛就唔會有咁嘅問題啦😇另外再加一個通菜都只係$14，出面食個油菜都要$30，所以真係非常抵食！串燒方面我哋叫咗，一串牛舌，一串菠蘿，一串豬頸肉同埋一串沙嗲豬肉，因為都想每樣試少少先！醬汁方面我哋揀咗泰國BBQ醬，又係非常開胃🥰最後食咗咁多野買單兩個人都只係$225，抵到飛起！