影片
更多
2020-11-22
1851 瀏覽
估唔到石硤尾呢度有間咁平民化嘅西餐廳，餐廳比較上係自助形式，俾錢買完嘢食先至坐低，而食物嘅種類好多，而且價錢都好相宜。雙重芝士牛肉醬薄餅10吋$88呢個Pizza食落好似食緊肉醬意粉咁，但係加咗落去個Pizza度，而且芝士亦都比一般嘅肉醬意粉多好多，薄餅底算係薄嘅嗰一種，邊邊位烤得好香脆，好似餅乾咁。而中間位有好多餸同埋好多汁，成個薄餅底吸左啲汁，好入味，而且餅底比起一般食到更加煙銀嘅感覺。九安士美國安格斯西冷牛扒配紅酒汁$148安格斯牛扒叫咗七成熟，食落嘅肉質比起想像中更加林啲，好似食緊五成咁樣，表面煎得好香脆，裏面鎖住晒啲肉汁味，而且份量好大，個汁又配得啱啱好。特別鍾意係佢配有原個烤大蒜頭，每一粒蒜頭都烤到好林，可以好似醬咁樣搽上去牛扒嘅表面，喺平民嘅西餐廳好少何食到咁用心整嘅蒜頭。香煎帆立貝墨魚汁燴飯$68呢一個飯真係抵到爛，只係$68但係份量好多，墨魚汁仲加上好多洋蔥同埋蒜頭去燴呢個飯，每一啖嘅精華都入晒落去啲飯到，而且啲飯嘅軟硬度適中，粒粒分明得來又唔會好硬，再配上上面嘅芝士真係好好食，但係因為個飯嘅味道好出嘅關係，帆立貝相對地顯得冇咁夠味，但總括而言都係一個好值得嘗試嘅燴飯
雙重芝士牛肉醬薄餅10吋$88
呢個Pizza食落好似食緊肉醬意粉咁，但係加咗落去個Pizza度，而且芝士亦都比一般嘅肉醬意粉多好多，薄餅底算係薄嘅嗰一種，邊邊位烤得好香脆，好似餅乾咁。
而中間位有好多餸同埋好多汁，成個薄餅底吸左啲汁，好入味，而且餅底比起一般食到更加煙銀嘅感覺。
九安士美國安格斯西冷牛扒配紅酒汁$148
安格斯牛扒叫咗七成熟，食落嘅肉質比起想像中更加林啲，好似食緊五成咁樣，表面煎得好香脆，裏面鎖住晒啲肉汁味，而且份量好大，個汁又配得啱啱好。
特別鍾意係佢配有原個烤大蒜頭，每一粒蒜頭都烤到好林，可以好似醬咁樣搽上去牛扒嘅表面，喺平民嘅西餐廳好少何食到咁用心整嘅蒜頭。
香煎帆立貝墨魚汁燴飯$68
呢一個飯真係抵到爛，只係$68但係份量好多，墨魚汁仲加上好多洋蔥同埋蒜頭去燴呢個飯，每一啖嘅精華都入晒落去啲飯到，而且啲飯嘅軟硬度適中，粒粒分明得來又唔會好硬，再配上上面嘅芝士真係好好食，但係因為個飯嘅味道好出嘅關係，帆立貝相對地顯得冇咁夠味，但總括而言都係一個好值得嘗試嘅燴飯。
張貼
