SUKIYA すき家

營業中

休息中

平時行過荃灣呢間分店，都見坐滿晒人，一直冇機會試，今日黃昏時間五點幾六點又行過呢間分店，見到有位唔使排隊，梗係試吓啦。🍱牛燒肉丼（L）$48 + $12配三品小食套餐：L餐既牛肉份量都幾多，連埋飯、溫泉蛋、雜菜、湯夠男士食用。牛肉個汁真係幾好味，另外枱面仲有五味粉、燒汁等等可以自行另外加調味。👍🏼不過溫泉蛋就生咗啲。🍱泡菜炙燒豚丼（M) $54 + $12配三品小食套餐：泡菜真係醃得好好味，但係豚肉就好多都係肥肉，得一兩片係瘦既可以食得落口，呢度真係有待改善🤔女士嚟講，食中size 餐都OK。🍱另外見佢個早餐又好平，下次有機會行過先再食啦，希望唔會失望啦。