JC Room (已結業)

Bookmark咗好耐既JC Room食物果然冇令人失望！呢間䇄立旺角、主打意大利菜又有情調既餐廳原來係由酒店級廚師Caleb同Joey創立，抱住酒店質素但平民價錢既宗指，希望每位客人都享受到傳統意大利菜，聽落淨係誠意都100分！【藍芝士卡邦尼意粉🧀 $138】必嗌！藍芝士帶出極濃郁極香醇既芝士味，熔化既藍芝士配上香滑既忌廉汁，再加上軟硬適中、掛汁力極強既意大利粉，每啖都係神級好味同享受！嚟到一定要嗌呢個招牌菜，無得輸我話既！【鮮茄蓉虎蝦青口意大利飯🥘 $178】兩隻超巨型既虎蝦巨到蓋住咗個飯，蝦肉味鮮又夠哂彈牙！奶油般濃郁質地既意大利Risotto完美吸收哂香濃既醬汁，朋友食完都話好好味又滿足！【鮮蘑菇燒牛肉沙律🥗 $118】相比起兩個主菜，呢個頭盤相對失色，大概係牛肉既外層燒得over咗，而凍食牛肉亦有啲乾，個人覺得可以唔嗌。不過鮮蘑菇既分量就多到唔洗錢咁，恰巧沙律菜亦好爽脆新鮮，可以中和主菜既濃味感。