卡邦尼餐廳

營業中

休息中

復活節嗰個星期五比朋友捉咗落深水埗，佢話想買啲電腦嘢但唔想自己一個去黃金，我就對電腦嘢一啲認識都冇，不過就當係岀去hea之後一齊食埋飯啦。買完就不斷邊行邊揾餐廳，行下行下都行到差唔多六點，喺長沙灣道見有間個樣好港式嘅意大利餐廳，價格都幾平，就入咗去。前菜叫咗碟「泰式魚餅」，另外跟餐會有是日例湯同餐飲，即係紅蘿蔔湯同凍檸茶。魚餅食落好似韓式魚餅，勝在夠熱，湯味道比想像中濃，整體唔錯。既然餐廳名叫做卡邦尼餐廳咁主菜就當然要試下佢個卡邦尼意粉啦，雖然餐廳風格好似港式茶餐廳，但係意粉嘅醬汁唔係港式白汁意粉嗰啲，加埋啲煙肉喺上面同芝士嘅香味，冇得頂。埋單70蚊都唔駛可以食到個似樣嘅意粉同埋一個小食，真心平，下次可以再encore。