兩草 (銅鑼灣道) (已結業)

同朋友去左銅鑼灣行街，行到攰就嚟兩草食晚餐。咖央多士咖央好似喺星馬嗰邊幾出名，好重椰子奶味，食落好脆。本身淨係諗住叫一份4件食下，覺得幾好食，所以之後再叫多左一份。可能因為烤完要吹一陣先脆，所以食落唔熱，如果熱食仲好食。小籠包肉骨茶肉骨茶藥材味唔重，但係好重胡椒味，整體偏鹹，味精味重，小籠包就幾足料。蛋炒豬腸粉蛋味重，食落熱辣辣，望落好少但係食落好飽，20蚊好抵食。魚餅好有家常嘅味道，似手打魚餅，熱食唔錯。羅漢果水，檸檬薏米水得凍飲，味道都唔錯。兩個人食，每個人80蚊唔洗，幾抵食。特別推介多士，份量唔多但係幾好食，做甜品唔錯。