篤篤車 (已結業)

🍜🇹🇭🥣平民價泰X港式快餐🆗泰式肉碎飯-$38見到門口做緊推廣，話呢個飯係期間限定，見價錢唔貴，所以入去試吓，不過現實就同圖片嘅就有啲唔同。現實係大碗飯黎，飯量都多，上面隻蛋唔係流心，不過都燶邊，個泰式肉碎冇咩泰式風味，啲肉好乾，普通肉碎，雖然有啲九層塔喺入面，但係肉碎完全冇同九層塔混合嘅味道，亦都冇泰國菜店食到嘅泰式辣味。值得一讚嘅係佢個豉油幾好味，應該有同熟油煮過，撈飯一流。🆗泰式庶蝦 -$8小食$8一件，有興趣可以試下，呢個庶蝦雖然條庶，但完全冇庶味，就係條狀蝦餅，泰式辣醬就幾好味。