上海廳 (已結業)

近年天水圍其實都開多左唔少餐廳, 而且大多數都係小店所以選擇都會多好多, 今次我地食既係位於天瑞既上海菜館我地嗌左既有上海小籠包, 話梅花雕醉雞同上海廳炒飯上海小籠包黎到上海菜館必點既當然係小籠包, 因為我覺得佢係最考廚師手藝既一道菜, 好得意佢個小籠包下面係有一片青瓜(唔知有咩用), 賣相睇落去好似一朵花, 一籠有四粒, 我直接去用快子夾第一粒既時候, 大力得濟爛左!!! 激死我, 望住d汁流走哂, 好彩第二粒我小心翼翼, 總於食到一粒完整既!! 口感唔錯, 食得出係皮好薄所以要好小心夾, 而且最正係佢d湯汁係爆多, 要小心d熱黎食哈哈話梅花雕醉雞一上台就聞到好濃郁既酒香, d酒剛好將雞浸左一半係入面, 而d雞件全部都係上脾, 又嫩又滑, 酒香味同雞味真係好夾, 份量都唔少, 原來係有兩層的, 上面是脾而下面則是雞翼上海廳炒飯呢個應該係呢度先獨有既炒飯, 粒粒都係金黃色, 食落好夠味, 原本都只係以試伏既心態黎試, 點知真係ok wor!! 咸咸地, 雖然冇乜肉, 但係因為廚師炒得好, 所以都ok的, size算大呀都可以分到3,4碗!!