韓日燒 (已結業)

想食韓燒但想要平民價，又真係畀我搵到有呢嘢，$93成人午市120分鐘任食，免加一，好吸引，就去試下，整體係滿意又抵食的一餐。下午12：50左右去到，不用等，大把位。我主要食韓燒，肉類算係基本有齊，牛柳、肥牛、豬柳、豬扒、鴨胸、雞翼、肉丸、蔬菜，應有嘅大致都有。當然，呢個價錢，不能要求和牛、極品牛乜乜乜，但純粹想食韓燒，又想坐得耐，呢度係滿足到。肉類都係醃好的，肉質都算鮮美。值得推介佢提供了十幾、二十款醬、調味料在自助吧可供使用，要來配搭燒烤很一流。嘢飲都算多，除了汽水，有五花茶、檸水、柑桔、煎茶，另有雪糕。任食120分鐘，每人$93免加一，真係大滿足。