Itamama (何文田廣場)

營業中

休息中

何文田廣場大番新後，新開左好多餐廳。今日見到其中一間都多人幫襯，所以決定試一試。我知道佢係一個飲食集團旗下嘅一個品牌，所以個裝修都唔錯。不過不失，如果芝士可以再溶d就好。麵身夠爽，不過略為咸左少少。之後加左檸檬汁，好dd，不過味道係唔夾的🤣🤣個牛扒竟然做得唔錯，雖然我都唔識分係唔係安格斯，同埋都比梳打粉乸過，不過都仲有d牛味。建議點鹽同黑椒，因為個磨菇汁，個人認為唔係好夾塊扒。跟扒上嘅薯條出奇地好食，味道岩岩好，有薯味，又夠脆，似係即刻炸出黎。最後叫左兩杯特飲，因為第二杯可獲半價優惠。下面係芒果果凍，好似以前許留山嘅咩咩爽咁，口感好Q，加埋忌廉，我覺得幾好飲👍🏻👍🏻整體黎講食物質素合格多d，加埋咁嘅價錢，就覺得可以再食。希望下次試下其他菜式。