樓下冰室

營業中

休息中

位於鰂魚涌嘅呢間樓下冰室，主打懷舊冰室美食。地方闊落，而且餐牌選擇眾多，食物質素亦都唔錯，而且夥計嘅服務態度都唔錯，非常推介大家去幫襯懷舊風味餐牌選擇非常多而且每款菜式都係大約50至$60左右，除咗普通茶餐廳嗌嘅小食之外餐廳亦都有一啲係其他茶餐廳搵唔到嘅特別菜式例如係花膠雞湯麵線， 而飲品方面佢哋都有自家製嘅綠豆椰汁冰同埋阿華田脆脆。 最重要係，佢地標榜菜式全部都係不含味精嘅，食落就會更安心。同兩個朋友一齊我哋點左一個金牌咖喱牛腩飯，朋友點左個蕃茄通粉滑蛋加配瑞士雞髀，同埋一份蛋治。嘢飲方面我哋點左阿華田脆脆同埋綠豆椰汁冰。咖喱牛腩飯係餐廳一個重點推介，我去過好多茶餐廳食咖喱牛腩飯， 但係呢都幾咖喱牛腩飯比其他地方優勝之處係佢有牛腩同有牛筋比例啱啱好。有時候一啲餐廳嘅牛筋過多，真係破壞成碟餸。而且食落就聞到香料味道同埋椰汁嘅香濃味道。鮮茄通粉嘅湯底非常之鮮甜真係好難以至信佢冇加任何嘅味精，都可以做到咁甜咁好味冇諗過簡單一個蛋治呢度竟然可以整得咁好食而且蛋嘅份量十足，真係有啲驚喜。而綠豆椰汁冰係難以置信嘅好飲。本身以為綠豆應該係綠色嘅，原來佢係拎咗綠豆蓉嘅部份自家煮完，之後再加上椰汁冰。