影片
更多
2016-10-22
3299 瀏覽
值得推介的社企，雪糕真才實料，我食過好多隻酒味嘅雪糕，Rum, Baileys, beer, champagne...，而Le Fournil 隻香檳味你真係覺得自己飲咗啖香檳入口，啲酒喺口道停留，雖然唔算停留好耐，但真係好正，完全唔係香精同香油嘅味道。另一球係伯爵茶，對比起香檳就無咁特別，味道都唔算太耐，不過不失。其實佢仲有好多隻味，下次嚟再試過😍😍😍今次仲買咗四件Cake，熱情紅桑子、xxx咖啡（名太長唔記得）、芒果公主及綠茶卷。熱情紅桑子：紅桑子慕絲酸中帶甜，夠滑亦有水果香甜， 底層朱古力脆脆無令整件蛋糕錦上添花。咖啡：面層朱古力香濃，中間有層咖啡忌廉饀，其實應該話一層朱古力一層咖啡，層次分明，雖然感覺被朱古力味搶了風頭，但兩者一起放入口，異常地夾。芒果公主：芒果唔會酸，中間用果肉打成，再用芒果加忌廉包住，面頭再淋返一層芒果醬面，最底部份有一份有麥餅，一齊食會覺得好似唔相配，但放入口慢慢就覺得其實塊餅令你覺得整件餅更覺特別。綠茶卷：老闆誠意推介，可能真係期望好大，再加上我食咗前面的太濃味，感覺佢無咩綠茶甘香，而且我一向唔like cream，對我嚟講太多，好漏。老闆講雖然佢哋啲廚
今次仲買咗四件Cake，熱情紅桑子、xxx咖啡（名太長唔記得）、芒果公主及綠茶卷。
熱情紅桑子：紅桑子慕絲酸中帶甜，夠滑亦有水果香甜， 底層朱古力脆脆無令整件蛋糕錦上添花。
咖啡：面層朱古力香濃，中間有層咖啡忌廉饀，其實應該話一層朱古力一層咖啡，層次分明，雖然感覺被朱古力味搶了風頭，但兩者一起放入口，異常地夾。
芒果公主：芒果唔會酸，中間用果肉打成，再用芒果加忌廉包住，面頭再淋返一層芒果醬面，最底部份有一份有麥餅，一齊食會覺得好似唔相配，但放入口慢慢就覺得其實塊餅令你覺得整件餅更覺特別。
綠茶卷：老闆誠意推介，可能真係期望好大，再加上我食咗前面的太濃味，感覺佢無咩綠茶甘香，而且我一向唔like cream，對我嚟講太多，好漏。
老闆講雖然佢哋啲廚師係更生人士，但個個都好用心去做食物。的確，雪糕、西餅已至餅乾（老闆比我試咗隻玫瑰味曲奇，係我食過最真實的玫塊味，可借無貨）都食得出佢哋好用心去做。
張貼
