平民扒房@友蠔食 (已搬遷) 新店位置

旺角通菜街開左勁多唔同國家既食野，好多花款，身為牛魔王嘅我梗係要試吓尼條街好出名既平民扒房，但真係要講下人手極度不足，一個員工要兼顧9-10張枱，有時啲野好耐都未黎都唔好意思去吹🥲。另外一提餐廳提供多國生蠔，佢嘅生蠔都好出名，但係我胃唔好就無叫到，大家去嘅話不妨一試🤩🤩，法國🇫🇷、澳洲🦘、南非🇿🇦、美國🇺🇸都有。-👅：澳洲和牛佢尼個套裝係有得白飯任裝，一定食得飽！同埋佢既石板原來係一熱一凍，凍果邊擺佢既牛，自己依自己想食嘅size放入熱既石板去燒，個人都覺得幾細心呢個設計，不過佢既牛就有啲多根，但勝在味道唔錯，佢既和牛牛味好重，油脂亦勁香肉質無咁軟腍，不過就香口比較多筋位，如果食到有啲濟隔離都有啲少少蔬菜俾大家中和返。-👅：燴龍蝦忌廉意粉🍝佢既龍蝦🦞份量都好足，仲有個勁大嘅蟹鉗肉🤩肉質鮮甜又彈牙，而且佢嘅忌廉味都好重，每食一啖都好重醬汁味，入邊仲配有三文魚子同埋紫菜絲💕💕-總結，野食係性價比高，出餐都快，但另外添加任何野等待時間較長。