Egyptian House Restaurant & Bazar (已結業)

吃貨朋友提及過一間平靚正的埃及菜餐廳，今天經過尖沙咀，決定上去試食⋯一出Isquare 轉右在華源大廈上十五樓，樓下無招牌，如果無人介紹真係唔識搵...上到去要㩒門鐘，因為係私房菜，已經見到好多人開緊餐同食緊shisha..有香港人，有外藉人士，亦有埃及local 客，侍應會講英文，非常有禮貌及有善⋯同果班只會對鬼佬笑對香港人黑面的尼泊爾侍應好大分別，大廚出嚟招呼我地問我地鍾意食乜⋯朋友講過佢地d烤魚好食，加上我又對羊無乜興趣，所以叫了雜菜湯同烤魚，雜菜湯加了香料，大量蔬菜，扁豆同鷹嘴豆，完全無加人工味精，有d似意式雜菜湯，非常好飲（太心急飲曬唔記得影相），之後烤魚到，烤魚外皮烤得香脆，但係一d油膩感都無，魚肉新鮮無魚腥味，魚肚內醸了蔬菜及香料，配菜有小塊既薯仔亦烤得非常香兼熱辣辣，加上個芝蔴醬醬汁食，味道好夾，仲有一碗類似印度黃薑飯伴食，睇得出廚師非常用心去煮，香港地要食到呢D質數既食物，通常要去中環俾$1000兩個人食一餐先食到⋯估唔到尖沙咀一幢充滿賓館自由行旅客既大廈入面有間穩世私房菜可以有甘大驚喜⋯飯後同朋友食shisha..⋯下次經過尖沙咀一定再嚟