Lumen Cafe (已結業)

新年假期最後一天，難得戲完開番，睇套戲🎬見下劉華，順道到CAFE食野，見到餐牌轉左，再問問伙記，原來轉了老板，D食物完全唔同哂，所以睇戲前先選簡單幾款食物，睇下好唔好味😋。點了花膠碗仔翅🍲、霸王燒賣🍡、越式豬扒法包🥪+珍珠奶茶🧋。碗仔翅真材實料，好有舊時街邊食既味道，而燒賣，喜歡食辣既我，就正到不得了😋，至於法包，入面D酸紅蘿蔔碎＋埋塊豬扒有D肥肉，食落去一D都唔油膩👍睇完戲，見Cafe有埋飯食，就唔周圍去，簡單叫左個香茅豬扒飯🍛、生菜魚肉🥬＆蒜蓉包🥖＋檸檬茶🥤，老板好好人，見我地睇戲前喺度食過小食，碟飯都比多左我地D😁，至於🥬＋🥖 都唔錯，就唔刻意講。整體來講味道不錯👍，下次想睇戲又唔想周圍揾野食，里度係一個好選擇。