更多
2024-01-26
21 瀏覽
佐敦廟街間Heart Cafe原來轉左手做Bar and Restaurant。新老闆都好有Heart, 我地岩岩坐低就好Nice(而唔over)咁介紹同同我地傾計,俾人感覺好溫馨。見Menu啲價錢都幾平民,Feel到佢講果種平民價錢有心出品,就試多幾樣啦😆。前菜:白酒香草法式藍青口($88)以呢個價錢黎講,青口的數量都幾多!唔追求Size同要好鮮味,呢個價黎講幾抵食,餐前過口癮一流。小食:吉列蝴蝶蝦(六件)($48)賣相平凡,但炸得好脆酥!岩岩炸起加埋芥末醬醮黎食😝好快清左盤Set dinner:是日餐湯 - 南瓜忌廉湯忌廉湯質地偏中式,唔係稠身果種,都香南瓜鮮甜味。主菜一 - 烤法國油封鴨脾配香橙八角鴨肉汁($208)🤩🤩🤩呢個真係好出色!!!賣相靚之餘,鴨肉已經炆到好冧身,而鴨皮唔單止Keep到好脆,仲充滿鴨油香。一啖鴨皮連肉食,油香滿溢,而香橙鴨汁的酸甜味又平衡得番果種油膩感,咸香可口,超好食❤️。老闆好自豪咁介紹,呢道鴨脾工序繁多,慢煮三小時再抽真空,焗脆層皮再處理👍🏻咁平已經食到咁既質素,真係抵到爛!主菜二 - 香煎盲曹魚伴珍珠薯及燴普羅旺斯燉菜($168)呢道魚都好好味,魚
新老闆都好有Heart, 我地岩岩坐低就好Nice(而唔over)咁介紹同同我地傾計,俾人感覺好溫馨。見Menu啲價錢都幾平民,Feel到佢講果種平民價錢有心出品,就試多幾樣啦😆。
前菜:白酒香草法式藍青口($88)
以呢個價錢黎講,青口的數量都幾多!唔追求Size同要好鮮味,呢個價黎講幾抵食,餐前過口癮一流。
小食:吉列蝴蝶蝦(六件)($48)
賣相平凡,但炸得好脆酥!岩岩炸起加埋芥末醬醮黎食😝好快清左盤
Set dinner:
是日餐湯 - 南瓜忌廉湯
忌廉湯質地偏中式,唔係稠身果種,都香南瓜鮮甜味。
主菜一 - 烤法國油封鴨脾配香橙八角鴨肉汁($208)
烤法國油封鴨脾配香橙八角鴨肉汁
0 瀏覽
0 讚好
0 留言
🤩🤩🤩呢個真係好出色!!!賣相靚之餘,鴨肉已經炆到好冧身,而鴨皮唔單止Keep到好脆,仲充滿鴨油香。一啖鴨皮連肉食,油香滿溢,而香橙鴨汁的酸甜味又平衡得番果種油膩感,咸香可口,超好食❤️。老闆好自豪咁介紹,呢道鴨脾工序繁多,慢煮三小時再抽真空,焗脆層皮再處理👍🏻咁平已經食到咁既質素,真係抵到爛!
主菜二 - 香煎盲曹魚伴珍珠薯及燴普羅旺斯燉菜($168)
呢道魚都好好味,魚身夠滑,唔鬆散,而且食到有魚汁。配埋普羅旺斯菜食,幾有風味😋。
餐飲一 - Latte (原價$40)
因為有玩開拉花,呢杯Latte算俾起一般坊間好多Coffee Shop技術高好多架喇。啡味都okay, 重點係用Loveramics套裝杯☺️加分加分~
餐飲二 - 虹吸咖啡(原價$68)
Guatemala El Injector I Washed
呢款豆用虹吸整會由乾淨變做偏厚身的Body,入口好香木瓜、杏脯同榛果味,慢慢茶同蘋果味會滲出👍🏻幾好
甜品:Tiramisu
Tiramisu
0 瀏覽
0 讚好
0 留言
老闆大力推薦所以試下🤭幾得喎!倒落去的係真咖啡酒,好香濃,滲晒入手指餅同馬Mascarpone Cheese入面。芝士好軟滑,夠香醇厚身。加上面層的可可粉,口感細膩純滑又輕盈,係得既💯
呢區做飲食競爭好大,餐廳的定價亦好平民。希望憑住老闆的用心製作,做廚超過30年的經驗(佢原來打理過好多間出名的法、越、西餐廳😳),有越黎越多人認識呢間用心經營的新開小店啦🫶🏻
張貼