影片
更多
2021-10-18
197 瀏覽
上網睇到話元朗新開左一間鐵板燒，性價比都幾高。不過佢個位置就比較隔涉，真係估唔到呢度會有一間隱世鐵板燒。入到來啲位置唔係好多，但係每一個位置都係望住師傅整嘢食。前菜係火腿蘆筍鮮雜果沙律，作為開胃前菜，呢個配搭真係好Flash。第一道菜係煎帶子，佢嘅帶子真係好大粒而且好鮮甜，配埋黑松露同埋三文魚子，令到味道同口感都更加豐富。伴碟嘅係食用花，可以配埋佢哋特調嘅海膽醬汁一齊食。然後就係新鮮銀鱈魚，睇住廚師好有耐性咁將魚皮煎到好似薯片咁脆，呢個魚真係冇得彈。半碟嘅除咗有龍珠果之外，仲有紅色嘅係辣椒籽花，將佢配埋明太子醬同啲魚一齊食，真係好香，而粒龍珠果係俾你食完曬住之後，清除口腔嘅味道，呢個安排真係好細心。然後就係黑醋鵝肝，佢話我乾煎熟咗之後會擺啲糖上去再燒，除咗令你多一個脆皮嘅口感之外，同時利用甜度嚟減低油膩嘅感覺。另外想講佢片方包都好好味，查完牛油之後煎香左，正。主菜有薑蔥黑豚肉，本來唔係太鍾意食薑蔥嘅我都接受到佢呢種整法。因為啲薑煎過，就算係切粒食咗都唔會覺得辣，反而覺得好香，最重要係佢呢一個爽脆嘅口感配落去黑豚肉都唔會太寡。以朋友嘅主菜就揀咗牛肉，牛肉就陪左芥茉醬同埋鹽漬海帶，牛肉本身
不過佢個位置就比較隔涉，真係估唔到呢度會有一間隱世鐵板燒。
入到來啲位置唔係好多，但係每一個位置都係望住師傅整嘢食。
前菜係火腿蘆筍鮮雜果沙律，作為開胃前菜，呢個配搭真係好Flash。
第一道菜係煎帶子，佢嘅帶子真係好大粒而且好鮮甜，配埋黑松露同埋三文魚子，令到味道同口感都更加豐富。伴碟嘅係食用花，可以配埋佢哋特調嘅海膽醬汁一齊食。
然後就係新鮮銀鱈魚，睇住廚師好有耐性咁將魚皮煎到好似薯片咁脆，呢個魚真係冇得彈。半碟嘅除咗有龍珠果之外，仲有紅色嘅係辣椒籽花，將佢配埋明太子醬同啲魚一齊食，真係好香，而粒龍珠果係俾你食完曬住之後，清除口腔嘅味道，呢個安排真係好細心。
然後就係黑醋鵝肝，佢話我乾煎熟咗之後會擺啲糖上去再燒，除咗令你多一個脆皮嘅口感之外，同時利用甜度嚟減低油膩嘅感覺。另外想講佢片方包都好好味，查完牛油之後煎香左，正。
主菜有薑蔥黑豚肉，本來唔係太鍾意食薑蔥嘅我都接受到佢呢種整法。因為啲薑煎過，就算係切粒食咗都唔會覺得辣，反而覺得好香，最重要係佢呢一個爽脆嘅口感配落去黑豚肉都唔會太寡。
以朋友嘅主菜就揀咗牛肉，牛肉就陪左芥茉醬同埋鹽漬海帶，牛肉本身都係好林好香，冇落到任何嘅調味，配埋佢嘅海帶同醬汁啱啱好。
最後嘅煮食就係炒飯，呢個炒飯我哋睇住廚師好有耐性好用心咁樣炒起，真係吵到粒粒乾爽，粒粒分明，真係好好味。
最後甜品係雪糕，朋友揀左豆腐味，而我自己就揀咗開心果味。佢個開心果味入邊有啲打碎嘅開心果肉，味道都好清香。呢一餐飯全部都好好味，而且職員都好親切，除咗同你介紹每一樣食物之外，仲會同你傾吓計，令到成餐飯都好似同朋友聚餐咁輕鬆。
張貼
