牛極 (大河道) (已結業)

最近疫情都唔敢周圍出街食，通常都係外賣多，但食得多外賣都真係好需要堂食下。今日就約朋友來到荃灣堂食醫肚，選擇牛極原因係佢有一部大大部的空氣清新機，而且位置都隔得算開，感覺安全好多。日本自助式售賣機挑選想食的餐，哇哇哇牛扒來講，真係好抵食啊。我同朋友都點了雜扒餐，咩牛部位都有，而且份量也多，可以試到不同部位，才$95，好抵食啊。有一樣嘢更抵食係白飯，湯，沙拉都任裝，而且白飯食得出係日本🇯🇵米，真係做得正宗，而湯係好足料的羅宋湯，裡面的牛肉同菜都好足料，煲得好入味好好飲，羅宋湯來講真係好正宗啊。石燒牛好快上台，姐姐服務態度好好，又會幫我們影相。牛肉可以因應自己喜歡的成熟度來燒，生d又得，熟d又得，全憑自己控制，好玩又好食。呢度醬汁都有幾款，配牛肉超好味，送飯開胃，再飲啖湯暖下胃，好正好正。以後食牛扒唔洗去d貴又唔飽的西餐廳，來牛極就得啦。