泰 (已結業)

黃大仙一區向來都有好多唔同款式嘅餐廳選擇，今次我哋就決定試下泰國菜。泰國餐廳裏面好多食物都好抵食 ，而我哋兩個人叫咗一個椰青同埋兩款小食，再加個飯已經好飽 ，好抵食。首先我哋就叫咗個糯米飯釀雞翼。雞翼燒得好，層皮好脆之餘，裏面仲有一粒粒嘅糯米飯 ，糯米飯都整得好乾身，同埋佢嘅味道 同個燒雞好夾好好味。另外，我哋仲叫咗兩隻大海蝦 。海蝦上面鋪咗啲蒜蓉醬，啲肉質好彈牙好，食落去啖啖肉， 味道同口感簡直係一流!最後，我哋叫咗個餐廳推介嘅瀨尿蝦醬炒飯。 佢比平時嘅蝦醬冇咁濃味，呢款飯好有新鮮感，食落去都一啲都油膩，佢仲加咗炒蛋喺上面添!而且分享量都好多，食完好飽好滿足 。椰青方面，好大個，裏面好多汁。 環境方面 ，裏面好寬敞，坐位好舒服。值得一讚嘅就係啲員工服務效率好高，而且好好禮貌 ，臨走嗰時佢仲不斷多謝我哋今次黎食泰國菜，希望我哋下次再黎，令到我哋有賓至如歸嘅感覺!