民華餐廳 (已結業)

西環有唔少街坊茶記，今晚黎到呢間位於堅尼地城地鐵站附近的民華餐廳。首先點左招牌鮮牛油多士。剛烘得外脆內軟熟的方包，夾著一大塊厚切冰鎮牛油，一咬落去D牛油唧哂出黎，然後滿口都是牛油香，邪惡卻又叫人無法抵擋。去茶記點少得點一份常餐！牛油多士香脆美味，炒滑蛋亦是非常出色。雞蛋入口嫩滑而且帶點牛奶香味，配上香腸一齊食，味美無窮。炸茶肉絲公仔麵，肉絲同炸菜的份量十足，炸茶充滿咸香。麵的湯底用左香濃忌廉雞湯，十分有誠意。咖啡豬排飯。豬扒有點少乾身，咖哩味道帶微辣十分香口惹味。北菇滑雞飯，雞肉嫩滑，米飯粒粒分明。跟餐像品：凍檸蜜和熱檸水。