相馬日式火鍋 (已結業)

放工想打邊爐，見到有間新開又不貴既，就同肥仔去食！美國特選牛肉$208我地叫左豚骨同蕃茄湯大大鍋，湯底好濃郁，特別係豚骨湯底，好有拉麵湯底既感覺。特選牛肉、豚肉同雞肉任食！牛肉有嚼勁，牛肉味好香濃，脂肪比例平均，不會太肥，任食黎講性價比好高。豚肉好新鮮，脂肪小，一點都不膩。雞肉好鮮嫩，熟左之後一啲都唔鞋，仲好滑。仲有其他不同的火鍋配料，例如各式丸、菜等等，全部都好新鮮。飲品方面種類都好多，一定有款岩你的。仲有雪糕任食！呢個價任坐任食都幾抵。