韓味屋 (已結業)

平日見佢排長龍，一定唔會去食，但琴日喺舊店隔離擴充多一間新鋪開張，即管去試吓，店內坐位都唔算好迫，服務員態度好，一大壺紅棗杞子水放喺枱，可以自己斟兼任飲，好窩心。一坐低就送上兩碟前菜，每碟都可以添一次，感覺良好。每位都送嘅胡椒海帶湯，好飲到唔停得口，好彩有得添多一碗。海鮮滑豆腐辣湯竟然冇胡椒海帶湯咁辣，都好濃味，海鮮都算多，物有所值。韓式伴冷麵，合格，沒驚喜。牛肉炒粉絲蓋飯定食，勁大碟，可以分兩餐食，味道好。