一休(居食屋)日本料理 (長發廣場) (已結業)

今日考車成功，同女朋友去慶祝下，就揀左呢間日本壽司店🍣呢間舖頭既食物多選擇，高質之餘又平，今晚8點到，都已經坐左好多人，睇黎呢排既活動都冇乜點影響😂😂選擇真係好多，有軍艦，拉麵，炒飯，刺身，鍋物，真係多到唔知點揀好。先叫咗個黑松露帶子炒飯，黑松露嘅份量比我想像中多，另外帶子粒真係好多，兩個人食真係啱啱好，再加上我女朋友好鍾意食飯，真係一個唔錯嘅選擇。日式餃子，新鮮煎起好脆，豬肉餃子熱辣辣好好味。多春魚同雞翼新鮮燒起，味道香口濃郁。最後叫咗個三文魚卷物，份量都幾大舊，由於我哋食咗個炒飯，再加埋呢個卷物真係好飽，面頭塊三文魚都幾厚，你會食到啲刺身好新鮮。