正宗山西刀削麵店 (已結業)

山西刀削麵都算係經典麵食之一，呢幾年係香港更是火爆，每次去親都見到唔少人排隊等食。有時見太多人就放棄等，今晚正啱等的人不算多，終於又可以食啦！豬腳，豬頸肉，金錢肚，點黎點去都離不開呢三樣最愛。天氣一熱食欲會降低，女仔到夜晚想keep身材又唔敢食太多，要少麵就啱啱好，不會浪費。豬腳好腍，好易咬。麵滑且彈牙，一如既往地keep住水準。金錢肚每次必食，同麵分開擺，俾多多的蒜蓉辣椒，特別香！金錢肚口感爽脆，的確不能錯過。朋友說他的牛肉麵也不錯，料多不敷衍，下次試一試先。