阿翁廚房 (已結業)

利經天悅廣場，見到呢間正宗上海菜既阿翁廚房，無論午市或小菜，價格都好平呢化。一入來即放上倒湯，黃豆豬骨，冇味精之餘都好足料，感覺好住家飯，心內面即時加分唔少。叫左個五福臨門拼盤，手拍青瓜好入味，五香牛展好重牛味，水晶肴肉口感好Q彈，香菜木耳好爽脆，上海燻魚，用上鯇魚比較多骨，不過都好香口。白菜仔牛肉，牛肉切到好薄，火候掌握到岩好，所以好嫩滑又入味，而且牛肉份量好足。紅燒獅子頭，撈飯一流，兩大粒肉丸，先炸鎖住肉汁令到內裡好juicy又軟稔，就連小唐菜都吸收埋肉汁精華，好甜。兩碟肉菜比例好岩一家大細，感覺好健康，配上上海特有菜飯，正。最後個炸銀絲卷，外面好脆，但內裡好鬆軟，點上練奶，好合拍。而且呢度除港式野飲，有台式同特飲，叫左杯芒果紅茶，味道唔錯。