影片
更多
2019-09-25
86 瀏覽
九份飽今日俾公司安排左去砲台山做野，放工同同事去附近揾食，見到有間小店叫:九份飽，主打台灣小食，望見個menu價錢親民就即管入去試下。店舖唔算大，去到已經幾乎坐滿晒客，裝修簡單，店員有d係台灣人。同同事叫左魯肉飯同擔仔麵醫肚同兩杯野飲，再搭幾個小食share！魯肉飯超有台灣風味，魯肉煮到好入味好淋身，個汁又唔會太咸，食落又唔會覺得油膩！而擔仔麵就有d失色，麵條都有咬口，但湯底就冇乜特別。小食方面叫左去台灣必食的甜不辣，即叫即炸熱辣辣，外層鬆脆，入面好Q彈，再配埋個泰式辣醬，超好食！麻辣豬耳好爽口，不過唔太麻辣。滷水拼盤有滷水蛋、雞翼、牛展、豬耳同豆腐。相對麻辣豬耳，滷水豬耳更加入味！而滷水蛋同豆腐都係冇得輸，不過雞翼就唔夠入味。仲有不得不提的雙層起司蛋餅，一定要趁熱食，d芝士勁多，可以拉絲！芝士同蛋餅好夾，份量岩岩好，唔會膩！必食推介！！之後到飲品啦，由於天熱關係，同事叫左杯清涼一夏，其實唔知係咩，純粹想消消暑，點知原來係一杯檸檬青檸水！不過飲落真係好消暑解渴既...重點係落單可以自選甜度，所以飲落岩岩好。而我就穩陣派叫左黑糖牛奶珍珠，唔知係咪因為揀左3分甜，所以飲落唔似出面咁重黑糖味
今日俾公司安排左去砲台山做野，放工同同事去附近揾食，見到有間小店叫:九份飽，主打台灣小食，望見個menu價錢親民就即管入去試下。
店舖唔算大，去到已經幾乎坐滿晒客，裝修簡單，店員有d係台灣人。同同事叫左魯肉飯同擔仔麵醫肚同兩杯野飲，再搭幾個小食share！
魯肉飯超有台灣風味，魯肉煮到好入味好淋身，個汁又唔會太咸，食落又唔會覺得油膩！
而擔仔麵就有d失色，麵條都有咬口，但湯底就冇乜特別。
小食方面叫左去台灣必食的甜不辣，即叫即炸熱辣辣，外層鬆脆，入面好Q彈，再配埋個泰式辣醬，超好食！
麻辣豬耳好爽口，不過唔太麻辣。
滷水拼盤有滷水蛋、雞翼、牛展、豬耳同豆腐。相對麻辣豬耳，滷水豬耳更加入味！而滷水蛋同豆腐都係冇得輸，不過雞翼就唔夠入味。
仲有不得不提的雙層起司蛋餅，一定要趁熱食，d芝士勁多，可以拉絲！芝士同蛋餅好夾，份量岩岩好，唔會膩！必食推介！！
之後到飲品啦，由於天熱關係，同事叫左杯清涼一夏，其實唔知係咩，純粹想消消暑，點知原來係一杯檸檬青檸水！不過飲落真係好消暑解渴既...重點係落單可以自選甜度，所以飲落岩岩好。
而我就穩陣派叫左黑糖牛奶珍珠，唔知係咪因為揀左3分甜，所以飲落唔似出面咁重黑糖味，而珍珠都唔太Q彈，有d失望。
最後當然要食埋台灣必食的九份芋圓！我地叫左碗常温的，入面有仙草、珍珠、豆腐花同三款口味的芋圓，再配合黑糖的糖水，同台灣食的一模一樣！芋圓好Q彈，最欣賞係芋頭味的芋圓入面真係食到芋頭粒，而黃薯同紫薯就相對食唔到分別。
難得喺香港可以食到平民化的台灣小食，值得推介！
張貼
