泰嘟嘟

營業中

休息中

出外做嘢，差不多行走左大半個九龍，累到半天，搵到間幾特別泰式野，雖然店舖細細，不過幾滿座。大角嘴真係好多美食，每間都有佢特色。聽聞呢間開咗好耐就試吓佢先啦晚餐有套餐都幾方便，唔使諗，飲品都算多款式。見好多人都叫左呢杯芒果芝士沙冰，估唔到真係幾好飲，芝士好滑，芒果味都好出，媽咪都話好飲我就叫左杯花龍果芝士沙冰，無芒果咁出色，味道比較淡。叫左個招牌蟹肉炒飯，粒粒分明，夠乾身，好味，香口。泰式明爐花甲煲，來到嚇親，好大煲，花甲好大粒，湯底幾惹味，啲配料吸晒啲湯汁，雖然有點辣，但好正。媽咪鍾意食魚，所以叫咗條烏頭，湯底就同花甲湯底有點相似，魚肉質都不錯。同媽咪都食到捧住個肚走，超飽