自家烏冬 (已結業)

位於Popcorn既餐廳平民化拉麵店，今日因為約左朋友離popcorn睇戲，所以順便離popcorn食lunch，行離行去, 諗左好耐, 終於決定食呢間。因為我自己好中意食吉列豬扒，所以就點左吉列豬扒配鮮茄湯烏冬, 落左單大約等左十五分鐘就有得食啦蕃茄湯湯底味道唔錯，甜酸味洽到好處，而且無味精味，食落好開胃。烏冬不會太硬也不會太軟，好彈牙爽口。至於我期待已久既吉列豬扒, 點左沙拉醬一齊食, 雖然有點硬，但係幾香口。最後我連鮮茄湯都飲哂。感覺非常滿足。