恒生管理學院B座飯堂 (已結業)

恒生管理學院B座樓下的食堂，之前聽到一些苦不堪言。隨著改革之後都引入一啲新嘅款式和比較獲好評的酸辣粉。另外，今個下午 就見到一個平民化嘅「全日早餐」雖然係平民化，但係40蚊仲有一蚊找番畀你嘅價錢下，加上見到一大堆食材，的而且確係抵食夾大碟， 即管試一試。 冇矜貴牛角包但係就有齊港式早餐的成員：兩片烘底牛油多士 、荷包蛋一隻、煙肉、火腿、腸仔、再加粟米和蕃茄等大家有返啲纖維 。最後就係一塊香炸嘅雞扒配埋一杯熱飲。個人覺得係學生嘅餐廳嚟講，有一個咁齊全 的「早餐」配搭，的而且確係抵讚，最重要是成個餐都係落單後即製，並唔係整定曬夾俾你凍冰冰。