生記粥店

營業中

休息中

行過天后， 想搵間粥舖食早餐， 見到生記粥店， 就走入去試下。 店面大小方面呢有啲窄小， 好似傳統嘅粥麵舖咁樣 係用摺凳， 所以老實講唔會坐得好舒服。 我嗌咗兩碗粥， 一碗係魚片瘦肉粥， 另一碗係生滾豬潤粥， 如果鍾意食鮮甜味多少少嘅朋友可以食前者， 因為啲魚肉的而且確好新鮮， 配埋肉碎嘅鮮甜， 食落去我比較鍾意。 豬潤粥都好食， 但係個粥底嘅味道層次比較單一， 傾向於肉粥嘅咸， 比較缺少一種鮮甜味。 另外叫咗個炸兩 同埋煎堆， 都中上水平。 收費比較平民化， 服務都好有禮貌， 如果大家想懷舊下以前香港粥店嘅感覺可以過嚟食下。