影片
更多
2023-05-09
187 瀏覽
2023年4月19日 星期三 今晚放工之後同老婆去咗大角咀食飯，諗住尋找一下呢個區有咩餐廳好食見到呢間吉列串揚居酒屋，自從疫情關係去唔到日本旅行，都好耐無食過吉列串揚，所以一於入去試吓入座之後慢慢睇餐牌，發現除咗吉列串揚之後，仲有好多食物可以選擇，而且價錢好平民化添，於是就決定食好啲，要左原條梭子魚黎食，另外再加串揚拼盤同壽喜牛肉鍋點完餐之後先黎飲品，分別係青蘋果乳酸梳打同白桃乳酸梳打，飲落去酸酸甜甜幾開胃，而且唔算太甜，仲夠晒冰凍添跟住梭子魚刺身就送到，師傅將梭子魚戒咗少少坑紋再用火槍燒，所以外皮有少少焦香，食落去係炙燒嘅感覺，魚肉有咬口，好新鮮又厚身，味道唔錯，之後師傅話梭子魚剩左嘅骨頭會嚟做另一個菜式，叫我哋稍等一下等待嘅期間其他食物陸續送到，有火炙三文魚加州卷，裏邊都有幾多餡料，包括蟹柳、青瓜、玉子等等，一啖食落口差啲食唔晒，味道好豐富，加上上面仲有少少三文魚籽，帶出少少海水嘅鹹味呢個係壽喜牛肉鍋，配咗飯同麵豉湯，麵豉湯用咗特別嘅木杯裝住，感覺幾特別，而火鍋嘅湯底好濃郁，有少少甜味，更加帶出牛肉既濃味，而且食落去冇咁油膩跟住終於有串揚拼盤，當中包括有南瓜、煙燻豚肉、秋葵、芝士竹
今晚放工之後同老婆去咗大角咀食飯，諗住尋找一下呢個區有咩餐廳好食
見到呢間吉列串揚居酒屋，自從疫情關係去唔到日本旅行，都好耐無食過吉列串揚，所以一於入去試吓
入座之後慢慢睇餐牌，發現除咗吉列串揚之後，仲有好多食物可以選擇，而且價錢好平民化添，於是就決定食好啲，要左原條梭子魚黎食，另外再加串揚拼盤同壽喜牛肉鍋
點完餐之後先黎飲品，分別係青蘋果乳酸梳打同白桃乳酸梳打，飲落去酸酸甜甜幾開胃，而且唔算太甜，仲夠晒冰凍添
跟住梭子魚刺身就送到，師傅將梭子魚戒咗少少坑紋再用火槍燒，所以外皮有少少焦香，食落去係炙燒嘅感覺，魚肉有咬口，好新鮮又厚身，味道唔錯，之後師傅話梭子魚剩左嘅骨頭會嚟做另一個菜式，叫我哋稍等一下
等待嘅期間其他食物陸續送到，有火炙三文魚加州卷，裏邊都有幾多餡料，包括蟹柳、青瓜、玉子等等，一啖食落口差啲食唔晒，味道好豐富，加上上面仲有少少三文魚籽，帶出少少海水嘅鹹味
呢個係壽喜牛肉鍋，配咗飯同麵豉湯，麵豉湯用咗特別嘅木杯裝住，感覺幾特別，而火鍋嘅湯底好濃郁，有少少甜味，更加帶出牛肉既濃味，而且食落去冇咁油膩
跟住終於有串揚拼盤，當中包括有南瓜、煙燻豚肉、秋葵、芝士竹輪卷、豚肉蘆筍同免治雞肉丸，炸得好香口，加埋醬汁一齊食除咗冇咁油膩之外，味道仲更上一層樓，其中特別推介芝士竹輪卷，一咬開芝士會慢慢流出嚟，會食到少少拉絲既感覺添
最後仲有剛才師傅提出既梭子魚骨，簡簡單單炸過之後加上檸檬汁食，脆脆地幾得意，而且魚頭仲有少少魚肉，呢個菜式用黎送酒簡直一流
埋單每人大約三百幾蚊左右，冇諗過喺大角咀都可以食到咁高質嘅日本菜，令我更加期待去日本嘅日子
張貼
