Olive ERA (已結業)

由細到大都好鍾意食薄餅，仲記得個陣成日都叫媽媽帶我去食，但可能一個月先食到一次，已經覺得好幸福，而家自己出黎做野，幾時想食就食，仲要選擇比過往多，早幾日挑起癮想食，所以搵左間有薄餅食又有其他不同西式料理食既餐廳食晚飯餐廳位於高尚住宅樓下既商場，除左內座位，亦設有外面座位，我同男友揀左坐內面既圓枱，感覺空間感大少少，無正方枱咁局限餐牌有Set dinner或散點食物，我地決定散叫可以點自己想食既，分別叫左三道菜，有小食、主食飯同當中緊係有我好想食既薄餅啦先上小食香辣雞翼配蜜糖蛋黃醬，雞翼烤得非常多汁肉嫩，食落好香口，惹味十足，而旁邊既沙律菜伴左蜜糖蛋黃醬，甜甜地好開胃，食隻雞翼再食口沙律啱哂最期待既食肉獸薄餅，果然無令我失望，當中有辣肉腸、火腿同份量級芝士，另外加錢加左煙三文魚餅底脆薄，唔會太厚，烤得好香口，切開後滿滿芝士拉絲，非常邪惡，餡料亦有好多蕃茄醬汁，味道酸甜適中，真材實料並唔係加普通茄汁咁簡單，好好味！西班牙海鮮飯亦有相當多材料，有青口、蜆、魷魚、大蝦、辣香腸同魚柳，飯粒軟中帶微硬，個人認為煮得剛好，整體味道唔會太濃，有海鮮既鮮味存在最後食埋件濃郁既朱古力蛋糕，唔會太甜，好香朱