八道餐廳 (已結業)

在慈雲山區一間不起眼的餐廳，佈置簡單，但滿滿的人情味。餐牌內食物款式都幾多，而家幾特別。第一次來食，問下店員(老闆?)有什麼推介，非常熱情地推介，最後兩個人叫左3款食物。酸辣胡麻雞絲天使麵($40)配搭幾特別，未見過其他餐廳有此配搭，食落酸酸地微微辣，幾清新非常開胃，適合夏天食。卡邦尼野菌煙肉意粉($39)比較像白汁意粉，味道較普通，但份量頗多，以此價錢水平算是不錯。印度鍋餅(跟餐+$15)正常的煎餅，配埋咖哩汁都只係$15，抵食!食物整體算不上非常美味，是正常的味道，但勝在價錢平、店員熱情有人情味。