板上 (桂林街) (已結業)

好耐之前係Facebook見過有人推介過深水埗有間平價和牛便當，讚又快又正，晚餐諗唔到食咩就靈機一觸醒起佢，決定行過去試下。板上位於深水埗北河街街市附近，係深水埗C出口行大約5分鐘就到，位置好方便。小店環境唔大，只可以容納10-15人，全部都係高椅，我地去到已經係9點幾，所以無咩人唔使等🤗廚房透明度好高，坐係外面既食客可以好清晰見到入面師傅烹調食既過程，見到廚房都幾乾淨👍🏻餐廳細細，食物既選擇亦唔多，但都算包羅萬有，牛豚羊魚雞樣樣齊，仲有burger同鰻魚揀。當然要試必叫既一口牛便當啦，牛肉煎得好香應該係用牛油煎既，口感幾好唔韌，份量都算多，呢個價錢都有成十幾粒牛 略嚴飯有d少，女仔食應該岩岩好，男仔就可能會唔飽。配料有我最中意既粟米粒🌽 撈左牛油好味道😋😋 便當本身仲會包飲品，我地太晏去既關係是日跟餐特飲士多啤梨多多已經賣完，我地只可以揀奶茶咖啡汽水個d同埋有幾隻紅茶，呢隻荔枝紅茶都唔差又唔會太甜🙂仲叫左個季節限定既豚，燒汁味加埋洋蔥炒都幾香，豚既份量亦算多，但怕肥既朋友就未必中意啦，因為肥膏同肉既比例係5:5。總括黎講，都好推介呢間平民便當之選，性價比高！大家有時間不防去試下