江南瀨粉 (福榮街) (已結業)

今日同朋友去左深水埗買電器，行左幾個鐘見肚餓經過見到依間食瀨粉幾抵就入左黎醫肚入到舖面覺得幾光猛，地面同枱櫈都好乾淨冇積水，食粉面既舖黎講算坐得幾舒服我地order一碗大大碗鮮製瀨粉，酥炸雞翼同凍朱古力大大碗鮮製瀨粉不得不推介，分量十足嘅瀨粉配上13種配菜只係49蚊，依家出去食餐飯閑閑哋都要50樓上，依道真係良心企業。 廚房好細心，佢哋準備咗一啲花生碎芝麻同埋蔥比客人用嚟吊味，但可能驚有啲客人會唔鍾意，佢地會放喺匙羹上面比客人選擇性甘落。同埋想讚下佢啲丸大大粒好鮮甜，餃子嘅皮唔厚主角瀨粉當然都不得不讚，麵身夠粗夠份量，又夠滑夠彈牙，食得好滿足！酥炸雞翼外皮炸得真係好酥脆，有金黃色入面肉身唔乾好多汁，內外都好有口感，沾埋泰式辣醬食好開胃同埋全部都係大大隻，食得好夠喉！