炎天丼 (已結業)

平時大家係旺角一定成日諗唔到食咩好，但其實成條通菜街都有唔少好野食架。今次就揀左炎天丼，主打天婦羅嘅黃店啊💛💛💛夜晚食其實個場好爆，餐廳亦都會播一啲廣東歌，相信老細平時d音樂taste都唔錯。我地兩個人分別叫左一個魚蝦蟹天丼同海鮮天婦羅咖哩烏冬。海鮮天丼入面有流心蛋，南瓜，菜心苗，蟹柳，海老，魚柳。大家見到相就知道今次一定食得飽，咁嘅價錢我覺得絕對食得過。最特別就一定係菜心苗，菜心苗炸完之後唔會好乾，依然keep到好juicy亦好脆卜卜。南瓜好甜，至於蟹柳同海老就不過不失。魚柳都係天婦羅屬於少見，但都好嫩滑，但係可能有dd過鹹。海鮮天婦羅咖哩烏冬方面我覺得就唔係唔係咁推介啦，天婦羅方面有菜心苗，椰菜花，海老，蟹棒，甲紋魷魚。價錢來講同魚蝦蟹天丼差唔多，但份量來講都比較少，款式方面都冇咁吸引。味道方面咖喱烏冬正正常常。但係魷魚天婦羅冇咩特別，但整體來講對於男仔來講可能份量就唔太夠啦。