影片
更多
2024-03-01
496 瀏覽
尋福記 (17/1/2024)今天同朋友去紅磡黃埔花園行街後就去搵嘢食，我朋友鐘意食湯麵，就介紹我去附近一間食麵店，這間麵店在一條小巷內名為尋福記，個店名好令人有福氣，店舖以綠色為主，舖內滿綠色方塊磚，座位數目不多只有三張二人枱，這間食店食品都好受歡迎，不停有人出入，其中有很多人來外賣，店舖雖然細細間，但個裝潢非常有風格，好有香港懷舊情懷，還有店員服務一流很用心介紹食品。我朋友就叫招牌沙茶麵，佢話有好多食材好足料，有魷魚、蝦球、螺片、豆卜同滷水蛋，加起來都超過十件，魷魚彈牙爽滑，蝦頭大隻爽口，螺片博身爽脆，豆卜入晒沙茶味，滷水蛋煮得很入味，湯底沙茶味濃而不渴，亦不太辣不油膩，非常惹味，油麵煮得剛剛好，有著適中的彈性，也十分掛湯。佢亦加埋套餐，有蠔油唐生菜及飲品，食湯麵加碟菜令人感到滿足。而店員就介紹我吃全家福牛麵，佢話個湯底係用牛骨同當歸，還有十多種材料熬製而成，冇落味精，好有藥膳風味。我好喜歡飲湯，所以即試飲，我飲後真係覺得啲湯清得黎有種淡淡藥材既香味，真係好正。麵食當中包含咗五種餸，有牛肉羮、牛筋、牛肚、牛展、牛丸，每樣都有幾件，成碗麵都好大碗，感覺滿足，牛肉羹好有肉味，牛筋非常爽
今天同朋友去紅磡黃埔花園行街後就去搵嘢食，我朋友鐘意食湯麵，就介紹我去附近一間食麵店，這間麵店在一條小巷內名為尋福記，個店名好令人有福氣，店舖以綠色為主，舖內滿綠色方塊磚，座位數目不多只有三張二人枱，這間食店食品都好受歡迎，不停有人出入，其中有很多人來外賣，店舖雖然細細間，但個裝潢非常有風格，好有香港懷舊情懷，還有店員服務一流很用心介紹食品。
我朋友就叫招牌沙茶麵，佢話有好多食材好足料，有魷魚、蝦球、螺片、豆卜同滷水蛋，加起來都超過十件，魷魚彈牙爽滑，蝦頭大隻爽口，螺片博身爽脆，豆卜入晒沙茶味，滷水蛋煮得很入味，湯底沙茶味濃而不渴，亦不太辣不油膩，非常惹味，油麵煮得剛剛好，有著適中的彈性，也十分掛湯。佢亦加埋套餐，有蠔油唐生菜及飲品，食湯麵加碟菜令人感到滿足。
而店員就介紹我吃全家福牛麵，佢話個湯底係用牛骨同當歸，還有十多種材料熬製而成，冇落味精，好有藥膳風味。我好喜歡飲湯，所以即試飲，我飲後真係覺得啲湯清得黎有種淡淡藥材既香味，真係好正。麵食當中包含咗五種餸，有牛肉羮、牛筋、牛肚、牛展、牛丸，每樣都有幾件，成碗麵都好大碗，感覺滿足，牛肉羹好有肉味，牛筋非常爽口彈牙，牛展好有咬口，牛丸亦爽口和牛肚亦好入味，每一樣食物味道都各具特色，油麵煮得都彈口，亦非常配合個藥膳牛湯，真係好好食。
我哋最後叫了一個小食香脆五香卷，炸得很香不油膩，卷皮鬆脆，五香肉餡配埋小菜香氣十足，味道配合醬料同埋飲品，真係好好味。
尋福記好值得推介俾大家，食得好滋味，亦好抵食，店員嘅服務態度又善又好，我下次會再來吃其他食物，尤其是沙茶麵，我見我朋友真係吃得好味。
張貼
