緣聚西日餐廳 (西裕街) (已結業)

難得放閒日假，點都要book 返個放題黎食下。當日中午12點去到，呢個時段冇咩人，大約1點就開始人多。一坐低先拎左啲冷盤小食，食物區除左有冷盤小食，仲有沙律吧，但選擇唔多，亦有火鍋配料。餐廳可以用apps落單，都幾方便。刺身都算新鮮，但都係款式唔多，第二次落單已經冇帶子可選🥺。壽司同軍艦都係正常發揮，冇特別驚喜。當日亦冇海膽手卷，好失望。餐廳有Haagen dazs同movenpick雪糕，不過要額外收費的，所以都係食返韓國果隻水果雪條算。埋單每人$170左右，以呢個價黎講，性價比唔高，加多少少錢有更好既放題可供選擇。