八方雲集鍋貼水餃專門店

營業中

休息中

快餐茶餐廳食黎食去都係嗰幾間，但係又想食平，好在仲有個餃子選擇，就係八方雲集﹗今次叫左個酸辣雲吞湯面，都幾好味架﹗其實佢地的餃子雲吞調味係好穩定架，次次食都係一樣味(都係幾合好胃口的)，有好多椰菜所以個餃好脆，係個皮厚身啲囉，不過咁的價錢大家都唔可以要求太多的，至於個酸辣湯佢咸度我同酸度同湯的厚度適中，佢個STYLE係唔係好辣，對我黎講係易入口，因為我係嗰啲貪圖辣的快感但又不能吃太辣的人來，哈哈﹗不過認真講咁，佢係真係OK，佢啲木耳呀都有落夠料，唔會水行行。我仲叫多左個鍋貼呀，佢就味道同雲吞一樣，不過我就覺得廚師今日時間趕少少，煎得唔夠耐唔夠香口，同埋上桌又凍左少少，所以餸子皮痴得好勁﹗但睇埋佢的價錢，整體黎講真係合格有餘呀﹗