薩莉亞意式餐廳 (新都城大廈) (已結業)

咁岩肥媽係北角，收工後順路去join佢一齊晚飯。之前黎過呢間餐廳一次，今次係第二次。成日都見到好多人排隊，可能因為價錢大眾化的緣故。七點到達，唔駛等位就入得。點左蒜蓉包、雜菌pizza、雜菌意大利粉同肉醬意大利粉。野食好快就黎齊。蒜蓉包：表面香脆，內裡軟，蒜香味夠。雜菌pizza：味道普通，蘑菇pizza一個，有d似超市急凍pizza feel。忌廉雜菌意大利粉：忌廉味淡同"希"，蘑菇意粉一個，意粉好腍，要落黑椒吊味。肉醬意大利粉：肉醬味淡，意粉好腍呢度價錢非常大眾化，意粉份量唔會好細，所以亦唔會要求有好出眾既味道，一切普普通通。