金鳳大餐廳 (D2 Place TWO)

營業中

休息中

細個時候屋企人去鋸扒都會去金鳳，所以對呢間餐廳嘅名非常熟悉。長大後工作太忙，都好少機會同屋企人食飯。難得今晚唔使OT，去咗D2 Place嘅金鳳大餐廳，親切嘅感覺返晒嚟。經典是日餐湯加餐包餐包上檯夠熱夠軟熟。質素一啲都無求其，忌廉湯夠creamy，完全無過稀嘅質感。羅宋湯味道係正宗港式餐廳嘅紅湯味，好懷念。招牌牛柳扒套餐雖然鐵板上，但睇得上有預埋鐵板上嘅時間，所以叫三成就真係食嘅時候足3成，無多無少夠細心。牛柳份量好勁，兩大塊。肉質唔柴有彈性，無用偷偷地用鬆肉粉。牛味特濃。T骨牛扒餐T骨肉質嘅骨質真係好滑，食近骨嘅肉嘅時候感覺個牛肉味更加濃郁，薯菜係底吸收哂肉同骨嘅味，最後先食係最香最好食。同埋一大塊T骨咁上檯真係好過癮。