牛極 (大全街) (已結業)

一想食扒就自自然然諗起《牛極》，因為呢間平民扒房嘅價錢真係超級大眾化的！唔洗話大時大節先話去鋸扒！呢度係採用自助售買機落單的，我今次就點咗一份180g 嘅牛肩排，經過以往嘅經驗，更容易掌握點樣控制石燒牛扒嘅技巧，而不會出現過熟的問題！份牛肩排肉質超級鮮嫩又多汁，而且又冇筋，真係比起好多高級餐廳好食好多呀！仲有個自助吧比你任添牛肉湯、沙律菜同飯！個湯都好濃郁的！咁都只係$80 咋！我相信呢個價錢真係唔係度度都可以食得到！