平民扒房@友蠔食 (已搬遷) 新店位置

旺角一向好多食肆，今日約咗朋友去睇戲，順道去搵下有咩好嘢食。經過左一間西餐廳，見佢人頭湧湧， 一於去試吓。餐廳主力做石燒牛扒，除咗套餐之外，仲可以加錢食生蠔。同朋友一齊叫咗兩款牛扒——肉眼及牛柳，再加左兩杯特飲同半打生蠔。半打生蠔生蠔最大忌就係洗得唔乾淨，不過餐廳處理開蠔處理得好好，既冇蠔殼碎，蠔身亦都保持冰凍。食落口感特別，最重要係唔太肥，唔覺得滯之餘味道亦都好濃郁。石燒牛扒——肉眼/牛柳石燒板溫度唔太低，啱晒鍾意食鐵板我，塊牛扒size一啲都唔細，肉質方面肥瘦適中又唔係好多筋，放想石燒版之後好快就熱辣辣食得。乳酸特飲——個餐仲包括一杯乳酸特飲，正，好耐冇飲過益力多，再加上果味，口感清新仲可以消滯。